མདུན་ངོས། » Articles

Articles

༧རྒྱལ་བ་སྨན་རིའི་ཁྲི་འཛིན་༣༣པ་མཆོག་གི་རྗེས་དྲན།


  ༧རྒྱལ་བ་སྨན་རིའི་ཁྲི་འཛིན་༣༣པ་མཆོག་གི་རྗེས་དྲན། ། དྲང་སྲོང་རྣམ་རྒྱལ། ཕྱི་ནང་གོམས་སྲོལ་ཐ་དད་ས་མཐའི་ཡུལ། ། སྒེར་གྱི་ཆོས་བརྒྱད་བ་དན་མ་ཕྱར་བར། ། སྙིང་སྟོབས་གོ་ཆ་བརྟན་པོའི་སྤྱི་སེམས་ཀྱིས། ། བཤད་སྒྲུབ་རྒྱལ་མཚན་བསྒྲེངས་པའི་མཛད་བཟང་ལྕི། །   ཡུལ་མི་བཀྲེས་སྐོམ་མནར་བའི་ལུང་གཤོང་དུ། ། ཕྱི་མིས་བཀོད་ལེགས་འཛུགས་སྐྲུན་ལྷ་ཡུལ་བཞིན། ། ལྟ་ན་སྡུག་པའི་བྱེས་ཀྱི་སྨན་རིའི་གླིང་། ། མིག་ལ་ལྷམ་མེར་གསལ་འདི་དོན་ཆུང་མིན།…

བོན་བརྒྱ་རིན་པོ་ཆེ་སྐུ་ཞི་བར་གཤེགས་པའི་རྗེས་དྲན།


    དེང་དུས་ཀྱི་མཁས་པའི་ཏོག་ཏུ་གྱུར་པའི་བོན་བརྒྱ་རིན་པོ་ཆེ་སྐུ་ཞི་བར་གཤེགས་པའི་རྗེས་དྲན་དུ་སྔར་རང་གིས་ཕུལ་བའི་རྩོམ་ཡིག་ཅིག་ཁ་བསྒྱུར་བ། ཉན་རང་སོ་སྐྱེའི་བསོད་ནམས་མཐའ་དག་གིས། ། བདེར་གཤེགས་སྐུའི་བ་སྤུ་གཅིག་འགྲུབ་ཅིང་། ། དེ་བཞིན་འབུམ་འགྱུར་ཀུན་མཁྱེན་ཡེ་ཤེས་ཅན། ། ཕུན་ཚོགས་ལས་འཁྲུངས་རྒྱལ་བ་དེ་ལ་འདུད། །   བོན་སྒོ་བརྒྱད་ཁྲིའི་ཀུན་གསལ་ཡངས་པ་རུ། ། ཡོན་ཏན་བརྒྱ་ཕྲག་གཟི་འོད་རབ་འབར་བ། ། ཐོག་མཐའ་བར་དུ་དགེ་བའི་རྒྱལ་བསྟན་གྱི། ། པད་ཚལ་ལེགས་སྐྱོང་ཉི་མའི་གཉེན་དེར་བསྔགས། །…

མཚམས་ཆེན་སྦྱིན་པ་ཚུལ་ཁྲིམས་རིན་པོ་ཆེའི་མགུར་མ།


  ༄༅།།ལེའུ་དང་པོ་དེ་རིང་ནས་མི་གསར་པའི་མི་ཚེའི་དམ་བཅའ་དྲན་སྐུལ་བཞུགས་སྭོ།། མཚམས་ཆེན་སྦྱིན་པ་ཚུལ་ཁྲིམས་རིན་པོ་ཆེའི་མགུར་མ། རྣམ་ཤེས་འཁྱམས་པོ་ཁམས་གསུམ་འཁོར་བ་འཁོར།། འཁོར་བའི་སེམས་ཅན་ཉོན་མོངས་དུག་ལྔ་འཁྲུལ།། འཁྲུལ་བའི་སྡིག་སྒྲིབ་སྡུག་བསྔལ་རང་བཞིན་ང་།། ང་ཡི་འཁོར་བ་འདི་ལ་བློ་ཡི་ཟློག།   དལ་འབྱོར་རྙེད་དཀའ་བསམ་ནས་ངེས་འབྱུང་སྐྱེས།། འཆི་བ་མི་རྟག་བསམ་ནས་ངེས་འབྱུང་སྐྱེས།། ལས་དང་རྒྱུ་འབྲས་བསམ་ནས་ངེས་འབྱུང་སྐྱེས།། འཁོར་བའི་ཉེས་དམིགས་བསམ་ནས་ངེས་འབྱུང་སྐྱེས།།   སྟོང་གསུམ་ཕྱི་སྣོད་འཇིག་རྟེན་མི་རྟག་པ།། ཁམས་གསུམ་ནང་བཅུད་སེམས་ཅན་མི་རྟག་པ།། སྲིད་གསུམ་སྣང་སྲིད་འཁོར་བ་མི་རྟག་པ།། དུས་གསུམ་སྐྱེ་རྒས་ན་འཆི་མི་རྟག་པ།།   མ་ཡེངས་མི་རྟག་སྐད་ཅིག་ཡང་ཡང་སྒོམ།། མ་བརྗེད་སྐྱབས་འགྲོ་རྩེ་གཅིག་ཡང་ཡང་སྒོམ།།…

དཔལ་༧རྒྱལ་བ་༧སྨན་རིའི་ཁྲི་འཛིན་སོ་བཞི་པ་བདམས་ཐོན་བྱུང་བར་བསྟོད་ཚིག


    དཔལ་༧རྒྱལ་བ་༧སྨན་རིའི་ཁྲི་འཛིན་སོ་བཞི་པ་བདམས་ཐོན་བྱུང་བར་བསྟོད་ཚིག   རྒྱུ་ཡི་ཐེག་པའི་རྨེང་གཞི་རབ་བརྟན་པར། ། འབྲས་ཐེག་དངོས་པོས་ལེགས་བསྐྲུན་ཁང་བཟང་ཆེ། ། བླ་མེད་ཡང་རྩེའི་བ་གམ་མངོན་མཐོ་བ། ། གངས་ལྗོངས་ཤེས་རིག་ཕྱི་མོ་གཡུང་དྲུང་བསྟན། །   མཐོ་སྒང་མི་རིགས་དེ་ཡི་འཕྲལ་ཡུན་གྱི། ། ལུགས་གཉིས་ཕན་བདེའི་སྲོག་ཤིང་དང་པོ་རུ། ། བགྲང་བྱ་ཁྲི་སྟོང་འདས་ཀྱང་མ་ནུབ་པར། ། དུས་རབས་གསར་པར་བཞུགས་ལ་ངོ་མཚར་ཆེ།…

བཤེས་གཉེན་ཆེན་པོ་ཚུལ་ཁྲིམས་རྣམ་དག་རྗེས་སུ་དྲན་པ།


      བཤེས་གཉེན་ཆེན་པོ་ཚུལ་ཁྲིམས་རྣམ་དག་རྗེས་སུ་དྲན་པ།   རང་ལ་གཅེས་པའི་སྣོད་བཅུད་ཀྱིས། ། ཡོངས་སུ་བཏང་བའི་ནོར་འཛིན་གཞིར། ། ཞི་བའི་རོལ་མཚོའི་བས་མཐའ་རུ། ། ངལ་བ་དུ་མས་གདུང་བའི་སྐབས། །   དམ་པའི་དྲན་སྐུལ་ཚིགས་བཅད་ཅིག ། བརྡ་འཕྲིན་རླུང་བུའི་ཕོ་ཉ་ཡིས། ། ཐོས་འཛིན་བུ་གར་སིམ་མོད་ཀྱང་། །…

དུས་རབས་ཤིག་ལ་བལྟས་པ།


  དུས་རབས་ཤིག་ལ་བལྟས་པ།    གཡག་ཕྲུག རང་སྐྱོན་རི་སྦས་གཞན་སྐྱོན་ཁབ་རྩེས་འབྲུ། ། རང་བདེ་གཞན་གནོད་ཐོབ་ཤོར་རྒྱལ་ཕམ་གྱིས། ། ཆེན་པོའི་ཁྲི་འཛིན་མིང་གི་ཆོ་ལོ་བཙན། ། བདེན་དྲང་རྒྱལ་མེད་དཔོན་ངན་དུས་རབས་ཤིག །   བླ་མར་སྐྱབས་ཞུ་དཔོན་པོར་ལྟག་སྒོ་དང་། ། ཆེན་པོར་ངོ་བསྟོད་ཉེ་གྲོགས་སྦྲེལ་བ་སོགས། ། ལེགས་ཉེས་མཐོ་དམན་ཁྱོད་ཀྱི་མཐུ་ལས་འབྱུང་། ། ལུགས་གཉིས་དབང་སྒྱུར་སྒོར་མོའི་དུས་རབས་ཤིག…

ལེགས་བཤད་མཇུག་སྒྲིལ་བའི་དུས་རབས།


  ལེགས་བཤད་མཇུག་སྒྲིལ་བའི་དུས་རབས།   བོད་ཀྱི་སྐད་དང་རིག་གནས་ཀྱིས། ། དབེན་པའི་ལྷིང་འཇགས་ཡུལ་གྲུ་ན། ། བོད་ཕྲུག་ཅིག་གིས་བོད་ཡིག་གི ། ཕྱོགས་སུ་བསམ་ནས་གཏམ་འདི་ཐལ། །   གནའ་དུས་བོད་ན་མཁས་པ་མང་། ། དེ་ཡིས་བྱས་པའི་ལེགས་བཤད་མང་། ། དེ་དག་རྣམས་ལ་བཀུར་མཁན་མང་། ། ཕྱི་མིག་བལྟས་ན་ཤེས་རྒྱུ་མང་། །…

Prof.KurtKeutzerཤེས་རབ་རྒྱལ་མཚན་གྱི་དཔེ་ཀློག་བརྒྱུད་རིམ།


  Prof.KurtKeutzerཤེས་རབ་རྒྱལ་མཚན་གྱི་དཔེ་ཀློག་བརྒྱུད་རིམ།   ཨ་མེ་རི་ཀའི་སློབ་ཆེན་གྱི་སློབ་དཔོན་ཀར་ཊི་ཀེ་ཟུར་Prof.KurtKeutzer བོད་མིང་ཤེས་རབ་རྒྱལ་མཚན་ཁོང་ནི་བོད་བརྒྱུད་ནང་བསྟན་གྱི་ཉམས་ལེན་པ་ཞིག་ཡིན་ཞིང་། ཁོང་ནི་ནུབ་ཕྱོགས་ཀྱི་གློག་ཀླད་རིག་པའི་འབུམ་རམས་པའང་ཡིན། ད་ཆར་རྦར་ཁི་ལིའི་སློབ་ཆེན་BerkeleyUniversityདུ་ཕྱག་ལས་གནང་བཞིན་ཡོད། ཁོང་གི་ཡིག་སྒྱུར་གྱི་བྱ་གཞག་ཁྲོད་དུ་ཕྲན་དང་མཉམ་ལས་བྱས་པ་བརྒྱུད་ཁོང་ནི་བོད་ཡིག་འབྲི་ཀློག་གི་སྐོར་ལ་ཤིན་ཏུ་བྱང་ཆ་ཡོད་པ་ཞིག་ཡིན་པ་རྟོགས།   ཁོང་ནི་སྐུ་གཞོན་དགུང་ལོ་༡༨ཡིན་དུས་ནས་འགོ་བཙུགས་ཏེ་བོད་ཀྱི་ཆོས་བརྒྱུད་རིས་མེད་ཀྱི་བླ་མ་དགེ་བའི་བཤེས་གཉེན་མང་པོའི་ཞབས་ལ་བཏུགས་ཏེ་གདམས་ངག་མང་པོ་ཞུས་དང་ཞུ་བཞིན་པ་ལྟར་ནམ་ཞག་རྒྱུན་དུ་ཉམས་ལེན་གནང་མཁན་ཞིག་ཡིན་པ་མ་ཟད་ནང་ཆོས་ཀྱི་ལྟ་གྲུབ་དང་གསང་སྔགས་ཀྱི་ཉམས་ལེན་དང་། བོན་གསར་རྙིང་གི་དཔེ་ཆ་ལ་རྒྱུས་མངའ་ཆེ་བས་དགོན་སྡེ་ནས་ཕེབས་པའི་དགེ་རྒན་རྣམས་དང་ལྷན་ཆོས་ཀྱི་བགྲོ་གླེང་ལྷུག་པོ་གནང་ཆོག་ཅིག་ཏུ་འདུག དེ་ཡང་གཅིག་ནི་ཁོང་གི་ཆོས་ལུགས་ཀྱི་ཡིག་ཆ་ལ་གོ་རྟོགས་ཟབ་པའི་དབང་གིས་རེད། ཁོང་གི་ཁྱིམ་ནི་དཔེ་མཛོད་ཁང་ཞིག་དང་འདྲ་བ་ལས་སྤྱིར་སྟངས་ཀྱི་ཁང་པ་ཞིག་དང་མི་འདྲ་བ་ནི་ཁོང་འཛམ་གླིང་གི་ཤེས་རིག་ནོར་བུའི་བང་མཛོད་ལ་ངོམས་མེད་དུ་ལོངས་སུ་སྤྱོད་བཞིན་པའི་སྐྱེས་བུ་ཞིག་ཡིན་པ་གོ འདིར་འབྲི་འདོད་པ་ཞིག་ནི་སེམས་སྨད་སྡེ་དགུའི་ཡིག་ཆ་དང་འབྲེལ་ཏེ་ཁོང་གིས་ངོས་འཛིན་བྱུང་ཚུལ་ཞིག་བཀོད་ན། ངང་ཐག་བསྐལ་པའི་སྒྲོན་མ་ཞེས་པ་དེ་སེམས་སྨད་སྡེ་དགུའི་ནང་ཚན་གྱི་ངང་ཐག་ཡིན་པར་དཔེ་ཆ་དེ་གའི་ལུང་འདྲེན་གྱི་ཐོག་ནས་གསལ་པོ་ར་འཕྲོད་བྱུང་འདུག དཔེ་ཆ་དེ་ངང་ཐག་གི་གཞུང་ཡིན་མིན་དཔྱད་བྱ་ཡིན་པ་དཔེར་ན། ཁྲི་བརྟན་ནོར་བུ་རྩེ་དགོན་པའི་དཔེ་མཛོད་ནས་བཏོན་པའི་དཔེ་དེབ་ཀྱི་འགོ་བརྗོད་དུ་བཀོད་པ་ལྟར་དེ་སྔོན་དཔྱད་གཞི་ཙམ་བཀོད་ཡོད་ཀྱང་ད་ལན་ཁོང་གིས་ལུང་འདྲེན་ངོ་སྤྲོད་བྱས་ཏེ་དཔེ་ཆ་དེ་ཏག་ཏག་ཡིན་པ་འདྲ་ཞེས་གསུངས། དེ་ཡང་རྩ་རྒྱུད་གསང་བ་བསེན་ཐུབ་ཀྱི་འགྲེལ་བ་ལས། གཉིས་པ་ཤེས་རབ་ཀྱི་སྤྱོད་པ་ལ་བྱ་རྒྱུ་བྱ་ཡུལ་མེད་པ་ལ་སྤྱོད་པ་གར་ཡང་མ་འགག་ཏེ། ཞེས་ངང་ཐག་ལས་གསུང་པས་ན་གསུམ་སྟེ། གསང་བའི་སྤྱོད་པ་དང་།…

དྭོགས་སེལ་འགའ་ཞིག་གླེང་བའི་ལེའུ་རིན་ཆེན་གཙག་བུ་ཞེས་བྱ་བ་བཞུགས།།


  དྭོགས་སེལ་འགའ་ཞིག་གླེང་བའི་ལེའུ་རིན་ཆེན་གཙག་བུ་ཞེས་བྱ་བ་བཞུགས།། ཡོངས་འཛིན་སློབ་དཔོན་བསྟན་འཛིན་རྣམ་དག་རིན་པོ་ཆེ།  ཐོག་མ་མེད་ནས་བསགས་པའི་སྒྲིབ་ཚོགས་སྤྲིན། །དགོངས་རྟོགས་ཡེ་ཤེས་ཆེན་པོའི་ཉི་གཞོན་གྱིས། །ཕ་མཐར་བྱས་ཏེ་སྐུ་གསུམ་རྒྱལ་བའི་མཛོད། །སྣང་བར་མཛད་པོ་ཏ་པི་ཧྲི་ཙའི་ཞབས། །རང་འདྲའི་བསྟན་སྒོར་ཞུགས་པ་འགར། །རྣམ་དཔྱོད་རྟོགས་པའི་ཤེད་མ་རྒྱས། །གཞུང་དོན་ཟབ་ཅིང་ཕྲ་བའི་དོན། །གསལ་བར་འདོད་ལ་གྲོས་འདེབས་ཚུལ། །རྫོགས་པ་ཆེན་པོའི་གཞུང་རྣམས་སུ། རྟོགས་ཏེ་སངས་རྒྱས་སུ་མ་བྱུང༌། སྐུ་དང་ཡེ་ཤེས་སུ་མ་གྲུབ། མ་རྟོགས་ཏེ་སེམས་ཅན་མ་བྱུང༌། ངམ་གྲོག་གཡང་ས་ཚེར་དོང་གང་ཡང་མེད་པའི་དུས་ན། ཞེས་དང༌། རྟོགས་ཏེ་ཨ་ཐ་མ་བྱུང༌། མ་རྟོགས་ཏེ་སེམས་ཅན་མ་བྱུང་བའི་སྔོན་རོལ་ན། གཞི་དངོས་པོ་གཤིས་དོན་གྱི་འདུག་ཚུལ་ཇི་ལྟར་གནས་པ་ནི།…

རྣམ་རྒྱལ་མའི་བསྟོད་པ་འཆི་མེད་གྲུབ་པ་ཞེས་བྱ་བ་བཞུགས་སོ།།


རྣམ་རྒྱལ་མའི་བསྟོད་པ་འཆི་མེད་གྲུབ་པ་ཞེས་བྱ་བ་བཞུགས་སོ།། ༄༅། །ན་མཿཤྲཱི་གུ་རུ་མཉྫུ་གྷོ་ཥཱ་ཡ། །ས་གསུམ་འགྲོ་བའི་རེ་སྐོང་དངོས་གྲུབ་གཏེར། །ལེགས་བཤད་འོད་སྟོང་འགྱེད་པའི་ཉིན་མོར་བྱེད། །ཡོན་ཏན་ཆ་ཤས་ཀུན་རྫོགས་འོད་དཀར་ཅན། །དཔལ་ལྡན་བླ་མ་ལུས་ཅན་གཙུག་ན་རྒྱལ། །གང་ལ་བརྟེན་ན་བློ་གྲོས་མཆོག་སྟེར་ཞིང༌། །འཆི་བདག་བེ་ཅོན་རི་མོའི་དབྱུག་པ་ལྟར། །གང་གིས་མཛད་པའི་ལྷ་མོ་འགྲོ་བའི་སྐྱབས། །གཙུག་ཏོར་རྣམ་རྒྱལ་ཅུང་ཟད་བསྟོད་པར་བགྱི། །མིག་བྲལ་སྐྱེ་བོས་སྣ་ཚོགས་གཟུགས་ལ་བཞིན། །ཁྱེད་ཀྱི་ངང་ཚུལ་བདག་ལ་རིང་དུ་བསྐལ། འོན་ཀྱང་དམ་ཆོས་ཡང་དག་སྡུད་པའི་ཕུག །བདེ་བ་ཅན་གྱི་ཁང་བཟང་མཆོག་ཉིད་ན། །འཇིག་རྟེན་རྣམ་འདྲེན་ཚེ་དཔག་མེད་མགོན་གྱིས། །ཁྱོད་ལ་རྒྱ་ཆེར་བསྔགས་པ་ཐོས་པ་ལས། །འཕགས་མའི་ཞབས་ཟུང་རིང་ནས་བསྟེན་པ་བདག །འདི་སྐད་གླེང་བའི་གོ་སྐབས་ཅུང་ཟད་རྙེད། །ཡིད་འཕྲོག་འོད་ཟེར་སྟོང་གི་དྲ་བ་ཅན།…